«Үздік волонтерлік ұйым» номинациясы

«Ақ жұлдыз» қоғамдық қоры 2019 жылдан бастап өмірлік қиын жағдайға тап болған әйелдер мен отбасыларға көмек көрсетіп келеді. Алғашқы кезде қолдау тек құжаттарды рәсімдеу бойынша кеңестермен шектелсе, жыл сайын қордың қызметі кеңейе түсті.
Даму кезеңдеріндегі маңызды оқиғалар:

2022 жыл – «Қызыл Ай» қоғамдық қорының қолдауымен LC Waikiki компаниясынан киімдер мен көпбалалы және аз қамтылған отбасыларға жөргектер таратылды. Балаларға «Ламбер» ірімшігі мен «Чудо» коктейльдері берілді. Қордың жеке кеңсесі ашылды.

2023 жыл – «Шыңға өрлеу» жобасы іске қосылды (Samruk Kazyna Trust қорының қолдауымен): мұқтаж отбасылардан шыққан балаларға арналған үйірмелер мен секциялар ашылды. Жыл ішінде көптеген қайырымдылық акциялар өткізілді: тәттілер, чипстер, киім және азық-түлік жиынтықтары таратылды.

2024 жыл – тәттілер (Nestle, KitKat, Milka, Bon Pari), гигиеналық құралдар мен киім таратылымы жалғасты. 300-ден астам отбасы көмек алды.

2025 жыл – қор өз миссиясын жалғастырып, жаңа жылдық сыйлықтар, тәттілер, консервілер мен LC Waikiki компаниясының киімдерін таратты.

«Ақ жұлдыз» қоғамдық қоры мұқтаж отбасыларды, әсіресе әйелдер мен балаларды қолдауға бағытталған жүйелі жұмыс жүргізіп келеді. Қор қоғамның әлеуметтік әл-ауқатына айтарлықтай үлес қосуда.

«Рудный қайырымдысы» қалалық волонтерлік штабы (Рудный қ.) 2022 жылдан бастап әлеуметтік және экологиялық бастамаларды жүзеге асырып келеді. Жобалар балаларды, қарттарды, ерекше қажеттіліктері бар адамдарды және халықтың осал топтарын қамтиды. Негізгі бағыттар: №1,2,3 ОССҰ-ны қолдау: шығармашылық шеберлік сабақтары, гитарамен музыкалық кештер, дискотекалар – қамқорлықтағы адамдарға эмоциялық қолдау көрсету үшін. «Children» жобасы: Қашар, Перцевка, Жілезорудная ауылдарында көшпелі балалар іс-шаралары. Экология: 2000-нан астам ағаш отырғызылды, сенбіліктер, қайта өңдеу – «Құтты қақпақ», «Сенің таңдауың» атты экологиялық акциялар. «Қол ұстасып» жобасы: ерекше қажеттіліктері бар балаларға арналған инклюзивті сабақтар. «Жылулық сыйла» жобасы: мұқтаж жандарға жыл бойы киім-кешек жинау және тарату. «Денсаулық күні»: таңғы жаттығулар, флешмобтар, викториналар. «Қағаз бақ» жобасы: қайта өңделген қағаздан жасалған тұқымы бар ашықхаттар. Флагмандық акция – «Рудный қайырымдысы»: Жаңа жыл қарсаңында балалар мен қарттарға құттықтаулар (құттықталғандар саны: 2022 ж. – 103 отбасы, 2023 ж. – 86, 2024 ж. – 93). «Біргеміз» жобасы: ұлтаралық татулық пен отбасылық құндылықтарды нығайту. Қалалық белсенділік: марафондарға, флешмобтарға, мерекелерге қатысу. «Рудный қайырымдысы» – бұл қала өміріне белсенді азаматтық қатысу мен ізгі істер мәдениетін қалыптастыратын ұйымшыл команда.

Сенбіліктер мен қаланы абаттандыру жұмыстарына қатысып, жануарлар баспаналарын қолдадық, қарттар үйіндегі адамдарға көмек көрсетіп, балалармен жұмыс істедік – инклюзивті ортада да, жалпы топтарда да бос уақытты ұйымдастырып, бейімделуге жәрдемдестік.
Бразилиялық джиу-джитсудан өткен жарыстар мен Паралимпиада ойындарында волонтер болдық: қатысушыларға жол көрсету, марапаттау рәсімдерінде көмек, доп беру және алаңдарды қолдау жұмыстарымен айналыстық.
ЭКОфестивальде ұйымдастыру ісіне қатысып, қонақтармен жұмыс істедік, экологиялық белсенділікке қатысқандарға экокоиндар таратып, экологиялық өмір салтын насихаттадық.

2016 жылдан бері ұйым қала мен облыс өміріне белсене араласып, жоғалған адамдарды іздеумен айналысады. Полиция департаментімен, Полиция басқармасымен, ТЖ департаменті және ТЖ басқармасымен тығыз ынтымақтастық орнатылған. Сонымен қатар, көпбалалы, аз қамтылған отбасыларға және өмірлік қиын жағдайға тап болған азаматтарға көмек көрсетіледі.

«Жас Ұлан» бірыңғай балалар мен жасөспірімдер ұйымы» республикалық қоғамдық бірлестігі (РҚБ «БЖҰ «Жас Ұлан») 2011 жылғы 6 шілдеде қазақстандық балалар мен жасөспірімдерді біріктіру мақсатында құрылды. Бұл – Қазақстандағы жасөспірімдер арасындағы мектеп волонтерлігін дамытатын ең ірі ұйым. Ел бойынша 5000-нан астам волонтер әлеуметтік жобаларға қатыса отырып, көшбасшылық қасиеттер мен белсенді азаматтық ұстанымды қалыптастыруда. 15 жыл ішінде жүзеге асырылған маңызды бастамалар қатарында: «C10tent» жастар бағдарламасы (2019–2020 жж.) – «Еуразия Бірінші арнасы» телекомпаниясымен бірлескен жоба. Онда волонтерлер жүргізуші әрі редактор ретінде қатысып, мектеп оқушыларының журналистік дағдыларын дамытты. «Birgemiz: Taza Alem» (2020 ж.) жалпыұлттық жобасы – экологиялық волонтерлікті дамыту: 1000 волонтер дайындалып, 2000 ағаш отырғызылды, 18 плоггинг-акция және 10 эко-пикник ұйымдастырылды, 500 жануарға көмек көрсетілді. Сондай-ақ халықаралық World Cleanup Day акциясына қатысу жүзеге асты. «Birgemiz: Asyl Mura» (2020 ж.) жобасы – тарихи-мәдени мұраны сақтау: археологиялық және қалпына келтіру жұмыстарына қатысқан 1000-нан астам волонтер дайындалды, 500-ден астам нысан мониторингтен өтті, 68 шағын грант жүзеге асырылды, сондай-ақ Wikipedia платформасына контент дайындауға үлес қосылды. Экоағарту – «Экоәлем», «Kieli tabigat» және басқа да жобалар арқылы: экологиялық оқу бағдарламалары ұйымдастырылды, танымдық материалдар шығарылды, мультфильм түсірілді, мыңдаған ағаш отырғызылып, қайта өңдеуге арналған қоқыс жиналды. Мыңдаған бала экология негіздерін меңгеріп, қалдықтарды сұрыптауға үйренді. «ReStart» (2020–2021 жж.) жобасы – интернетке тәуелділік, кибербуллинг пен лудоманияның алдын алу: әлеуметтанулық зерттеулер, білім беру бағдарламалары мен талдамалық баяндамалар жүргізілді. Мыңдаған жасөспірім цифрлық сауаттылық пен интернетті тиімді пайдалану дағдыларын үйренді. «Көшбасшылық мектебі» мен «Волонтерлік мектебі» – жасөспірімдердің жұмсақ (soft) дағдыларын дамытуға арналған бағдарламалар. Бұл бағдарламаларды Қазақстан өңірлерінде енгізу ұсынылған. Ұйым Ресей, Қырғызстан, Беларусь, Өзбекстан, Әзербайжан және Түркияның жастар ұйымдарымен белсенді ынтымақтастық орната отырып, «Жеңіс Волонтерлері» халықаралық қозғалысының серіктесі және Халықаралық балалар клубының мүшесі болып табылады. «Жас Ұлан» делегациялары халықаралық іс-шараларға тұрақты қатысып, көзқарасын кеңейтіп, тәжірибе алмасып келеді. 2021 жылғы қарашада ұйым базасында халықаралық «Миссия Добро» бағдарламасы аясында алғашқы гуманитарлық миссия өтті. Бұл миссия Қазақстан мен Ресейдің экологиялық волонтерлік қозғалыстары арасындағы тәжірибе алмасуға бағытталған. Қатысушылар ерекше қорғалатын табиғи аумақтарға, жануарлар баспаналарына көмектесіп, экологиялық ағартушылық жобалар мен өзге де бастамаларға атсалысты.

«Ерекше мерекелер» қоғамдық қоры 2016 жылдың күзінде құрылды. Қор жұмыс істеген уақыт ішінде 300-ден астам іс-шара мен жоба ұйымдастырылып, іске асырылды. Қор жанында «Ашық жүрек» волонтерлер клубы жұмыс істейді, ол Астана қаласындағы ҚҚМУ «Сервис және туризм колледжі» базасында құрылған. Клуб волонтерлері арнайы оқыту бағдарламаларынан өтіп, әлеуметтік бастамаларды жүзеге асыруға белсенді қатысады. Қор білім беру саласында да жұмыс жүргізеді: волонтерлік бойынша тренингтер өткізіледі. Қор жанынан келесі мектептер мен кабинеттер ашылған: Арт-терапия және дефектология кабинеті; «Кішкентай пианист» мектебі; Актерлік шеберлік мектебі. Сонымен қатар, AITU университетімен бірлесе отырып, СУСН санатындағы балалар үшін бағдарламалау мектебі ашылды.

Ұйым Көкшетау қаласындағы қаңғыбас жануарлар мәселесін адамгершілік жолмен шешумен айналысады. Жыл басынан бері 400-ден астам ит пен мысық ұсталып, стерилизация, вакцинация және идентификация процедураларынан өтті. Осыдан кейін олар өздерінің табиғи мекендеу ортасына қайта жіберілді. Бұл шаралар жануарлар санын едәуір азайтып, олардың көбеюін тежеуге мүмкіндік берді. Сондай-ақ, ұйым қазіргі уақытта шамамен 350 жануар қамқорлықта ұсталып отырған иттерге арналған панахананы басқарады.

«VITA» Павлодар қаласының іздеушілері» қоғамдық бірлестігі – Павлодар қаласы мен Павлодар облысындағы жетекші іздеу ұйымы болып табылады. Қоғам бірлестігі он жылға жуық уақыт бойы еріктілерді адам өмірін құтқару және халықтың ең осал топтарына қолдау көрсету мақсатында біріктіріп келеді. «VITA» жасағы із-түссіз жоғалған адамдарды (ІЖА) іздеу бойынша көшбасшы ретінде лайықты танылып, жылдар бойы жүздеген жоғалғандарды үйіне аман-есен қайтарды. Ұйымның бірегейлігі – кешенді көзқарасында: гуманитарлық және профилактикалық бағыттарды қатар дамыта отырып, әртүрлі санаттағы азаматтарға қамқорлық жасайды. Ұйымның негізгі жетістіктеріне мыналар жатады: Іздеу қызметіндегі көшбасшылық – ондаған сәтті құтқару операциялары мен адамдарды үйіне қайтару. Қазақстан мен Ресейдің іздеу топтарымен белсенді аймақаралық ынтымақтастық, соның ішінде бірлескен табысты операциялар. Гуманитарлық жұмыс – балалар үйлері, пансионаттар, қарттар үйлері мен медициналық-әлеуметтік мекемелерге қамқорлық; ерекше қажеттіліктері бар балаларға арналған жыл сайынғы «Аяз Атаға хат» акциясы. Әлеуметтік бастамалар – қаңғыбас жануарларды тамақтандыру, мұқтаж отбасыларға атаулы көмек көрсету. Профилактикалық іс-шаралар – полициямен бірлесіп жүргізілетін жұмыстар: есірткі жарнамаларын бояу, есірткі мен деструктивті құбылыстарға қарсы ақпараттық кампаниялар. Білім беру жобалары – балалардың жоғалуын, суға кету және басқа да төтенше жағдайларды болдырмауға бағытталған. Төтенше жағдайларды жоюға қатысу – су тасқыны кезіндегі көмек, Екібастұздағы аяз кезінде және басқа өңірлердегі зардап шеккендерге қолдау көрсету. Кең аумақты қамту – Ақсу, Екібастұз, Павлодар және облыстың бірқатар ауылдарындағы филиалдар арқылы жедел көмек көрсету мүмкіндігі. Жоғары бағалар мен марапаттар – Қазақстан Республикасы Президентінің, түрлі деңгейдегі әкімдердің алғыс хаттары мен грамоталары, 150-ден астам марапат. Бірлестіктің әлеуметтік әсері мынадай нәтижелермен көрінеді: Жүздеген адамның өмірін сақтап, жоғалғандарды үйлеріне қайтару. Қоғамда еріктілерге деген сенім қалыптастыру және құқық қорғау органдарымен тиімді әріптестікті дамыту. Жауапты әрі көмектесуге дайын жаңа буын жастарын тәрбиелеу. Осал топтарға қамқорлық пен жанашырлық көрсету арқылы қолдау көрсету. Әр жастағы, түрлі мамандықтар мен ұлт өкілдерін біріктіретін қуатты еріктілік қозғалысына айналу. «VITA» – бұл жай ғана іздеу жасағы емес, бұл – адам өмірін құтқару, гуманитарлық миссия, құқықбұзушылықтардың алдын алу және әлеуметтік қолдауды біріктіретін, қоғамға адал қызмет етудің үлгісіне айналған ұйым.